काठमाडौं । वाणिज्य बैंकहरूको खराब कर्जा अघिल्लो आर्थिक वर्षमा भन्दा शतप्रतिशतले बढेको छ । अघिल्लो आर्थिक वर्ष २०७८/७९ मा औषत १.२०% खराब कर्जा रहेकोमा गत आर्थिक वर्ष २०७९/८० मा २.७०% पुगेको हो ।

एक वर्ष अवधिमा वाणिज्य बैंकहरूमा अघिल्लो सोही अवधिमा भन्दा १२३% भन्दा धेरैले बढेको हो । यसले कोरोना महामारीभन्दा अघि नै बैंकबाट कर्जा लिएकामध्ये धेरै ऋणीले अझै ऋण नतिरेको देखाउँछ । त्यस पछिको आर्थिक मन्दीका कारण पनि ऋणीहरू कर्जा तिर्न विफल भएको देखिएको छ ।

आन्दोलनका नाममा बैंक तथा वित्तीय संस्थाविरुद्ध प्रदर्शन गर्नेलाई कारबाही गर्न गृह मन्त्रालयको निर्देशन

साथै, बैंकबाट एकल या सामूहिक जमानीमा ठूलो ऋण लिएका ऋणीहरूले केही अघि बैंक/वित्तीय संस्थाविरुद्ध गरेको अराजक आन्दोलनले पनि ऋणीहरूलाई ऋण नतिर्न प्रोत्साहन गरेको देखाउँछ । तर, गत आर्थिक वर्षको तेस्रो त्रैमासमा भन्दा चौथो त्रैमासमा बैंकहरूको खराब कर्जा घटेको देखिएको छ । चैत मसान्तमा यस्तो कर्जा ३.२३% थियो ।

असार अन्त्यसम्म वाणिज्य बैंकहरूको खराब कर्जा औषत ५% सम्म पुग्नसक्ने भन्दै केन्द्रीय बैंकले फागुनमै अनौपचारिक रूपमा सचेत गराएको थियो । लगत्तै, वाणिज्य बैंकहरू कर्जा असुलीमा केन्द्रित भएका थिए ।

यस्तो छ बैंकहरूको खराब कर्जा स्थिति :