एनआइबिएल म्युचुअल फन्डको लगानी करिब ५२ करोड

आर्थिकन्यूज
विहीबार, १४ कार्तिक २०७६

काठमाडौं । एनआइबिएल म्युचुअल फन्डअन्तर्गत सञ्चालित एनआइबिएल प्रगति फन्डको असोज मसान्तसम्ममा सूचीकृत शेयरमा लगानी ५१ करोड ८७ लाख रहेको छ । यो लगानी भदौ मसान्तसम्ममा ५२ करोड ५१ लाख थियो । भदौ मसान्तसम्ममा ७ दशमलव ६७ रहेको प्रतिइकाई खुद सम्पत्तिको मूल्य असोज मसान्तमा ७ दशमलव ६३ छ । प्राप्त भइसकेको आम्दानी ५३ लाख २८ हजार छ भने प्राप्त भइनसकेको आम्दानी ५ करोड ५ लाख छ । असोज मसान्तसम्ममा आईपीओ, हकप्रद शेयर र बोनस शेयर गरेर ३५ लाख ८३ हजार लगानी रहेको छ ।