सिभिल बैंकले यसपटक पनि नगद लाभांशमात्रै दिने

आर्थिकन्यूज
विहीबार, २१ कार्तिक २०७६

काठमाडौं । सिभिल बैंकले शेयरधनीलाई नगद लाभांश मात्रै दिने भएको छ । सिभिल बैंकले गत आवको सञ्चित मुनाफाबाट शेयरधनीलाई नगद लाभांश मात्र दिने भएको हो । बैंकको कात्तिक २० गतेको सञ्चालक समितिको निर्णयअनुसार हाल कायम चुक्तापुँजीको आधारमा ६ दशमलव ५७ प्रतिशत नगद लाभांश दिने निर्णय गरेको हो ।
प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारण सभाले अनुमोदन गरेपश्चात लगानीकर्ता ले प्राप्त गर्न सक्नेछन् । यस बैंकले गत वर्ष पनि ४ दशमलव ०५ प्रतिशत नगद लाभांश मात्रै दिएको थियो ।